ԵՐԵՎԱՆ, 28 մարտի — Sputnik. Մագադանում փրկարարները այրվող տնից դուրս են բերել կնոջը, շանն ու կատվի երկու ձագերին։
Կատուները շտապ վերակենդանացման միջոցառումների կարիք ունեին։ Այս մասին հայտնում է «Վեսմա» պորտալը, որն էլ հենց հրապարակել էր տեսանյութը դեպքի վայրից։
Посмотреть эту публикацию в Instagram
Տեսանյութում երևում է, ինչպես են փրկարարները սրտի մերսում անում կատվի ձագուկներից մեկին, որը պառկած է թթվածնային դիմակը դնչիկին։ Երկրորդ կատուն ինքնուրույն է շնչում, սակայն նա էլ օգնության կարիք ունի։
Կատվի ձագը փորձում է կաթ խմել. զվարճալի տեսանյութն իրարանցում է առաջացրել համացանցում
«Շնչի՛ր, կատվիկ, շնչի՛ր, փոքրիկ», – համոզում է կատվին փրկարարներից մեկը։
Պորտալի տեղեկություններով, երկու կատուներին էլ հաջողվել է փրկել։ Նրանք անասնաբուժական կլինիկայում են։
