ԵՐԵՎԱՆ, 17 մարտի –Sputnik. Սարատով քաղաքի № 11 արվեստի մանկական դպրոցի սան Անաստասիա Սիմոգանովան առաջինը ելույթ ունեցավ` ծնողական խնամքից զրկված երեխաների համար «Ты супер! Суперсезон» միջազգային երգի շոուի նախընտրական փուլի ժամանակ։
Նշենք, որ ավելի վաղ արված մրցութային առաջին օրվա ձայնագրությունը հեռարձակվում է այսօր, մարտի 17-ին։ Այդ շոուի նկարահանումը Յուլյա Նաչալովայի համար վերջինը դարձավ։
Անաստասիայի հուզիչ կատարումից և ժյուրիի գնահատականներից հետո բեմ բարձրացավ Նաչալովան։ Երգչուհին սև կոմբինեզոն և ձեռնոց էր հագել, որոնք թաքցնում էին հոդատապից այտուցված ձեռքերը։
Նա պատանի արտիստին գեղեցիկ տուփ նվիրեց` ասելով, որ այնտեղ գրիչ է, որը անպայման ապագա աստղին պետք կգա ինքնագիր տալու համար։
«Դու ուժեղ ես, հիշում եմ, քեզ մոտ ամեն ինչ կստացվի», – ասել էր Յուլյան մասնակցին։
Հիշեցնենք, որ Նաչալովան մահացել է մարտի 16-ին 38 տարեկանում։ Ինչպես ավելի վաղ հայտնել էր նրա հայրը` Վիկտոր Նաչալովը, մահվան պատճառը սրտի կանգն էր, որը բորբոքային պրոցեսի հետևանք էր։ Երգչուհուն կհուղարկավորեն երեքշաբթի Մոսկվայի Տրոեկուրովսկի գերեզմանատանը։
«Ты супер!» մրցույթն անցկացնում են ՆՏՎ հեռուստաընկերությունը և Sputnik միջազգային տեղեկատվական գործակալությունն ու ռադիոկայանը` ՌԴ լուսավորության նախարարության աջակցությամբ։Յուրաքանչյուր կիրակի Մոսկվայի ժամանակով 20։10-ին (Երևանի ժամանակով 21։10-ին) դուք կարող եք հետևել «Ты супер!» մրցույթի երրորդ եթերաշրջանի մասնակիցների ելույթներին։
