ԵՐԵՎԱՆ, 17 մարտի – Sputnik. Արքայազն Ուիլյամի կինը` 37-ամյա Քեյթ Միդլթոնը, (Kate Middleton) հագուկապի մեջ սխալմունք է թույլ տվել, գրում է Cosmo.ru–ն։
Օրեր առաջ նա այցելել էր Լոնդոնի Հենրի Ֆոսեթի անվան մանկական կենտրոն։ Քեմբրիջի դքսուհին ոչ միայն խախտել էր թագավորական արարողակարգը`տաբատ հագնելով, այլև փոքրիկ սխալ էր թույլ տվել։
![Թարս էր հագել. նորաձևությանը հետևողները Քեյթ Միդլթոնին թափթփվածության մեջ են մեղադրել Թարս էր հագել. նորաձևությանը հետևողները Քեյթ Միդլթոնին թափթփվածության մեջ են մեղադրել - Sputnik Արմենիա](https://cdn.am.sputniknews.ru/img/1772/25/17722541_0:0:1510:2435_600x0_80_0_0_5d7203c2f19f51bf3f1472dced76b2b1.jpg)
Միջոցառմանը Քեյթը ներկայացել էր Jigsaw ազատ սև տաբատով և Gucci–ից մանուշակագույն բլուզով, որի առջևի մասում, կրծքի վրա մեծ ժապավենակապ էր արել։ Նրա մուտքը շատ ոճային էր, սակայն նորաձևությանը խիստ հետևողները նկատել էին անսպասելի առանձնահատկությունը։ Քեյթը բլուզը թարս էր հագել։
The Duchess of Cambridge arrives for this evening’s @NPGLondon #PortraitGala, where Her Royal Highness will meet members of the Gallery’s Youth Forum and view artwork produced by some of the National Portrait Gallery’s outreach schemes. pic.twitter.com/AYnvxWGc0X
— Kensington Palace (@KensingtonRoyal) 12 марта 2019 г.
Gucci–ի այդ բլուզի նկարագրության մեջ գրված է, որ այդ մոդելը լրացրել են մեջքի վրա կարված կոճակներով, այն դեպքում, երբ Քեյթի կոճակներն առջևում էին հայտնվել։ Թեև որոշ պճնասերները կարծում են, որ արքայազն Ուիլյամսի կինը պարզապես չի նկատել իր զգեստի այդ առանձնահատկությունը։
Մյուսները համոզված են, որ Քեմբրիջի դքսուհին իր ներկայանալու ձևով որոշել էր ոչ միայն թագավորական արարողակարգը, այլև նորաձևության կանոնները խախտել։ Կարծես թե, Քեյթը դիտավորյալ էր Gucci–ից այդ բլուզը թարս հագել։
Քեյթ Միդլթոնը համարվում է շատ ոճային կին։ Նրան շատերն են փորձում նմանվել ամբողջ աշխարհում, իսկ զգեստապահարանի նրա բազմազանությանը կարելի է միայն նախանձել։ Այսպես, օրինակ, վերջերս Քեյթը Ազգային պատկերասրահում բարեգործական երեկույթներից մեկի ժամանակ նոր զգեստով չէր ներկայացել, այլ հագել էր այն զգեստը, որը կրել է դեռևս 2017 թվականին BAFTAS–ին։ Այն Alexander McQueen–ից ուռուցիկ շրջազգեստով, սպիտակ ծաղիկներով ասեղնագործած սև զգեստ է։ Սակայն ի տարբերություն այդ զգեստի` երկու տարի առաջ թողարկած բաց ուսերով տարբերակի, այս անգամ այն թևքեր ուներ։