Տարոն Հովհաննիսյան «Անընդհատ նույն սցենարով զորավարժությունները կարող են վկայել, որ տվյալ երկիրը պատրաստվում է այդ սցենարով գործողությունների»
Նրա խոսքով`սցենարով Ադրբեջանի այս զորավարժությունները նախորդներից շատ չէին տարբերվում։
«Անկեղծ ասած, ես սպասում էի, որ այս զորավարժությունների ժամանակ առաջին անգամ կկիրառեն «Պոլոնեզ» համազարկային կրակի հրթիռային համակարգեր, որոնք գնվել են Բելառուսից ու LORA իսրայելական հրթիռային համալիրները, սակայն դրանք զորավարժությունների մասին տեսանյութերում չկային, ինչը մի փոքր զարմանալի է»,-նշում է Հովհաննիսյանը։
Փորձագետը չի բացառում, որ զորավարժությունների ժամանակ այդ միջոցները չկիրառելը կապված է հրթիռների մեծ արժեքի հետ։
