Sputnik Արմենիայի հետ զրույցում նման համոզմունք է հայտնել Պետական կառավարման ակադեմիայի տարածաշրջանային հետազոտությունների կենտրոնի գիտաշխատող, վրացագետ Ջոնի Մելիքյանը` խոսելով Վրաստանի նախագահ Սալոմե Զուրաբիշվիլու Հայաստան առաջիկա այցի մասին։
«Վրաստանի նախագահը Բաքվում կոշտ հայտարարություն է արել՝ կապված արցախյան հակամարտության կարգավորման հետ և կփորձի Երևանում ինչ-որ ձևով բալանսավորել իր խոսքը»,–կարծում է Մելիքյանը։
Նրա խոսքով` չի բացառվում, որ իր այցի ժամանակ Սալոմե Զուրաբիշվիլին բարձրացնի Հայաստանի հետ սահմանների դեմարկացիայի հարցը, և Հայաստանի շահերից է բխում, որ այդ հարցը վերջնականապես փակվի։
Ջոնի Մելիքյանի խոսքով, Վրաստանի նախագահի այցից ավելին սպասել չարժե, քանի որ այցն ավելի շատ ճանաչողական բնույթ ունի։
