ԵՐԵՎԱՆ, 9 մարտի – Sputnik, Արմենուհի Մխոյան. Գյումրու Ռուսական գիտության ու մշակույթի կենտրոնում մարտի 9-ին նշվեց ռուսական բարեկենդանը՝ «Մասլենիցան»` ամենաուրախ ու համեղ տոնը:
Ռուսական հավատալիքի համաձայն` ինչպես անցկացնես այս մեկ շաբաթը, այդպես էլ կանցնի ամբողջ տարին: Իսկ տարին լավ անցկացնելու համար կազմակերպիչները ջանք ու եռանդ չէին խնայել՝ արել էին ամեն ինչ, որպեսզի Հայաստանում բնակվող ռուսական համայնքի ներկայացուցիչներն իրենց զգան այնպես, ինչպես տանը: Միջոցառման մասնակիցներից մեկն էլ Եվդոկիա Գամանենկոն էր, որն արդեն 42 տարի է` Հայաստանում է: Sputnik Արմենիայի հետ զրույցում նա խոստովանեց, որ խենթի պես է սիրում Հայաստանը: Ամուսինն ուկրաինացի է, զինվորական, ամուսնացել են ու ապրել Հայաստանում, տարիներ անց մեկնել են Գերմանիա, ապա Ռուսաստան, հետո նորից վերադարձել են Հայաստան։
«Ես ցանկացա կրկին Հայաստան վերադառնալ, սիրեցի այս երկիրն ու մարդկանց. շատ բարի ու մարդասեր են, միշտ օգնության ձեռք են մեկնում կարիքավորին: Եկա ու երկար տարիներ աշխատեցի որպես փոստատար, հիմա ապրում եմ Ստեփանավանում: Հայաստանն իմ երկիրն է»,- Sputnik Արմենիային ասաց 79–ամյա Եվդոկիա Գամանենկոն։
Կինը Գյումրի էր եկել Լոռու մարզի ռուսական համայնքի «Ռյաբինուշկա» համույթի հետ:
![Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը - Sputnik Արմենիա](https://cdn.am.sputniknews.ru/img/1764/01/17640163_0:0:1600:1200_600x0_80_0_0_5f963f01c6712d825b616800f95fb042.jpg)
«Մենք ձեզ ու Շիրակի մարզի ռուսական համայնքի ներկայացուցիչներին եկանք ուրախացնելու մեր չաստուշկաներով ու ուրախ երգերով»,– ասաց նա:
![Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը - Sputnik Արմենիա](https://cdn.am.sputniknews.ru/img/1764/02/17640276_0:0:1600:977_600x0_80_0_0_72cc200789536bc4f081a3a52dd661d3.jpg)
Միջոցառման ընթացքում կազմակերպված ուրախ երգ ու պարից բացի, նաև անակնկալ մատուցվեց. Գյումրու Ստեփան Ալիխանյանի անվան տիկնիկային թատրոնը ցուցադրեց «Բարեկենդանը»՝ Հովհաննես Թումանյանի մոտիվներով:
![Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը - Sputnik Արմենիա](https://cdn.am.sputniknews.ru/img/1764/01/17640157_0:0:1600:1200_600x0_80_0_0_bfca3262e8c3575c4783d5da321f3dc9.jpg)
Ուրախ երգն ու պարը լսելուց հետո բոլորը համտեսեցին ռուսական ռազմաբազայի զինվորների պատրաստած տաք նրբաբլիթները:
![Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը - Sputnik Արմենիա](https://cdn.am.sputniknews.ru/img/1764/02/17640271_0:0:1600:1200_600x0_80_0_0_f4fcb2805f1ddd7ed8aacd83fe4147df.jpg)
Տոնի վերջում տեղի ունեցավ Ձմռան խրտվիլակի ավանդական հրկիզումը:
![Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը - Sputnik Արմենիա](https://cdn.am.sputniknews.ru/img/1764/03/17640370_0:0:2048:1536_600x0_80_0_0_e98cb3263f3c4683c5839f583d80a0b4.jpg)
Մասլենիցան, ինչպես հայկական Բարեկենդանը, նշվում է Մեծ պահքին նախորդող շաբաթ օրը և ունի հեթանոսական ծագում: Այս տոնով հեթանոս ռուսները հրաժեշտ էին տալիս ձմռանը` այրելով ավելորդ և անպետք իրերը, որտեղից էլ ծագում է խրտվիլակ այրելու սովորույթը: Խրտվիլակի հետ նրանք այրում, ոչնչացնում էին նախորդ տարվա բոլոր անհաջողություններն ու տհաճությունները, որպեսզի գարնան հետ նոր կյանք սկսեն:
![Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը Այրված խրտվիլակ, չաստուշկա և բլիթներ. ինչպես Գյումրիում նշեցին ռուսական Բարեկենդանը - Sputnik Արմենիա](https://cdn.am.sputniknews.ru/img/1764/01/17640168_0:0:1600:1200_600x0_80_0_0_fb7188485e1771234d5896748d2b66d9.jpg)
Նշենք, որ միջոցառմանը ներկա էին Հայաստանում Ռուսաստանի դեսպան Սերգեյ Կոպիրկինը, Շիրակի մարզպետ Տիգրան Պետրոսյանը, հասարակական կազմակերպությունների, Շիրակի ու Լոռու մարզերի ռուսական համայնքներին ներկայացուցիչները: