ԵՐԵՎԱՆ, 7 մարտի — Sputnik. ՀՀ վարչապետի տիկին Աննա Հակոբյանին Մարտի 8–ի կապակցությամբ շնորհավորել են ՌԴ նախագահ Վլադիմիր Պուտինն ու ՌԴ վարչապետ Դմիտրի Մեդվեդևը։
Այս մասին Sputnik Արմենիայի հետ զրույցում ասաց տիկին Հակոբյանի խոսնակ Հասմիկ Հարությունյանը։
«Աննա Հակոբյանն այսօր, Կանանց տոնի կապակցությամբ շնորհավորանք և ծաղիկներ է ստացել և ՌԴ նախագահ Վլադիմիր Պուտինից, և ՌԴ վարչապետ Դմիտրի Մեդվեդևից»,–ասաց Հասմիկ Հարությունյանը։
Հիշեցնենք, որ Ռուսաստանի 1–ին դեմքերը գալիք Կանանց տոնի կապակցությամբ այսօր շնորհավորական ուղերձներ էին հղել նաև ՀՀ նախագահ Արմեն Սարգսյանի կնոջը` Նունե Սարգսյանին։
