ԵՐԵՎԱՆ, 6 մարտի — Sputnik. Տավուշում տեղի ունեցած դաժան սպանության դրդապատճառը կենցաղային է։
Sputnik Արմենիայի տեղեկություններով` դեպքը տեղի է ունեցել երեկ` մարտի 5–ին։
Ոստիկանություն ներկայացած կասկածյալը` 33–ամյա Նվեր Գինովյանը, և սպանվածը` 64–ամյա Սևան Նավասարդյանը, դեպքից առաջ միասին կենցաղային աշխատանք են կատարել, որից հետո նաև կերել-խմել են։
Վեճի պատճառն էլ կենցաղային է եղել։ Սպանված տղամարդու տանը հայտնաբերվել է մուրճ, որը, նախնական վարկածով, հանցագործության գործիքն է։
Մեր տեղեկություններով՝ ձերբակալված Նվեր Գինովյանը նախկինում դարձյալ սպանության մեղադրանքով դատապարտված է եղել։
Արդեն տեղեկացրել էինք, որ Տավուշի մարզի Բերդ քաղաքի իր տանը հայտնաբերվել է 64-ամյա տղամարդու դի` վնասվածքներով։ Կարճ ժամանակ անց Ոստիկանության Տավուշի բաժին բերման է ենթարկվել կասկածյալը`33-ամյա մի տղամարդու, որը նույնպես Բերդ քաղաքի բնակիչ է։
Նախնական տեղեկության համաձայն` սպանությունը կատարվել է մուրճով դիակի գլխի հատվածում։
