ԵՐԵՎԱՆ, 3 մարտի — Sputnik. Արթուր Դանիելյանը Ռուսաստանի գեղասահքի հավաքականի կազմում ելույթ կունենա Զագրեբում կայանալիք աշխարհի պատանեկան առաջնությանը։ Այդ մասին հաղորդվում է Ռուսաստանի գեղասահքի ֆեդերացիայի պաշտոնական կայքում։
Նշվում է, որ պատանեկան առաջնության գործող հաղթողը` Ալեքսեյ Երոխովը, վնասվածքի պատճառով չի կարող պաշտպանել իր տիտղոսը 2019-ի պատանեկան առաջնությունում։
Արդյունքում նրան կփոխարինի Դանիելյանը, որը նախորդ առաջնությունում զբաղեցրել է երկրորդ տեղը։
Ավելի վաղ Երոխովը վնասվածքների պատճառով դուրս էր մնացել Ռուսաստանի գավաթի եզրափակչից։
