ԵՐԵՎԱՆ, 1 մարտի — Sputnik. Բելառուսի նախագահ Ալեքսանդր Լուկաշենկոն ԶԼՄ–ների ներկայացուցիչների հետ ժամանակ հայտնել է, որ ինքը Ռուսաստանի «կենվորը» չէ. նրան բարկացրել է Հայաստանին ու Վիետնամին տրամադրած վարկերի ավելի ցածր տոկոսադրույքները։ Այս մասին հայտնում է ԲԵԼՏԱ–ն։
«Դադարեք մեղադրել մեզ։ Մենք երբեք ձեր կենվորը չենք եղել ու չենք լինելու։ Երբ ես` ինքնասիրություն ունեցողս, իմացա այդ մասին, որևէ դաշինք կազմելու ցանկությունս անհետացավ», – ասել է Լուկաշենկոն։
Նախագահի խոսքով` Ռուսաստանը Բելառուսին ատոմային էլեկտրակայանի կառուցման համար 4,8%–ով վարկ է տրամադրել, Վիետնամին` 3%–ով, Հայաստանին էլ` 3%–ից պակաս տոկոսադրույքով։
«Ինչու», – հարցնում է Բելառուսի նախագահը։
Նա հայտնել է, որ իրենց էլ պետք է այն պայմաններով վարկ տրամադրեն, ինչպես արևմտյան «թշնամիներին» են տրամադրում` 2%–ով, կամ ՉԺԴ–ն` նույնպես 2%–ով։
