ԵՐԵՎԱՆ, 27 փետրվարի – Sputnik. ՀՀ վարչապետի տիկին Աննա Հակոբյանն այցելել է Թեհրանի հայոց ազգային «Արաքս» դպրոց ։ Facebook սոցիալական ցանցում այս մասին հայտնում է Հակոբյանի մամուլի խոսնակ Հասմիկ Հարությունյանը։
Հակոբյանը դպրոց է այցելել ՀՀ արտակարգ և լիազոր դեսպան Արտաշես Թումանյանի տիկնոջ՝ Անահիտ Թումանյանի ուղեկցությամբ։
Խոսնակը հրապարակել է այցի լուսանկարները։
Հիշեցնենք` ՀՀ վարչապետ Նիկոլ Փաշինյանը փետրվարի 27-ին տիկնոջ՝ Աննա Հակոբյանի հետ երկօրյա պաշտոնական այցով մեկնել է Իրանի Իսլամական Հանրապետություն։
