Արտյոմ Տոնոյան. «Զարիֆի հրաժարականի պատճառը կարող է լինել միջուկային համաձայնագրի ձախողումը»
«Ակնհայտ է, որ միջուկային համաձայնագրի ձախողման հետևանքով Մոհամադ Ջավադ Զարիֆն իր իսկ երկրում վերջին շրջանում հայտնվել էր քննադատությունների հիմնական թիրախում»,-ընդգծում է Արտյոմ Տոնոյանը։
Իրանագետի խոսքով` Զարիֆի հրաժարականը կարող է պայմանավորված լինել նաև Իրանում ընթացող ներքաղաքական այլ զարգացումներով ու խմորումներով։
«Ըստ էության պահպանողական թիմը հնարավորություն է ստացել ստեղծված իրավիճակում որոշակի իմաստով այլ սցենարներ օգտագործել` օգտվելով երկրի տնտեսական վիճակից»,-նշում է Տոնոյանը։
Իրանագետը նշում է,որ Իրանի արտաքին քաղաքական գերատեսչության ղեկավարի հրաժարականը կարող է այդ երկրի կառավարությունում ավելի մեծ փոփոխությունների պատճառ դառնալ։
