Սամվել Բաբայան. «Ինձ Արցախի քաղաքացիությունից զրկելու իրավունք Սահմանադրությամբ չունեին»
«Սահմանադրությամբ էդ իրավունքը չունեին, նույնիսկ դիմում ենք ներկայացրել, որ վերականգնենք այդ անօրինականությունը»,-Sputnik Արմենիայի հետ զրույցում ասաց Արցախի Պաշտպանության բանակի նախկին հրամանատար, Արցախի հերոս Սամվել Բաբայանը` անդրադառնալով իրեն Արցախի քաղաքացիությունից զրկելու փաստին։
Ըստ Բաբայանի, իրեն վաղուց են զրկել Արցախի քաղաքացիությունից, սակայն ինքը նոր է իմացել այդ մասին։
«Պատրաստվում եմ մասնակցել Արցախի նախագահի ընտրություններին, սակայն ինչ ձևաչափով, ժամանակը ցույց կտա»,-ասում է Բաբայանը։
Հարցին, թե ինչը Ձեզ չի գոհացնում Արցախի իշխանությունների վարած քաղաքականության մեջ, Բաբայանը պատասխանեց, որ ոչ թե իրեն, այլ ժողովրդին չի գոհացնում, իսկ թե ինչը, ցույց կտան ընտրությունների արդյունքները։
