Լյուկ Բեսսոնի «Տաքսի» կուլտային ֆիլմի աստղ` Սամի Նասերին, լսում է ֆրանսահայ հայտնի շանսոնյե Շառլ Ազնավուրի երգերը և «Մայրիկ» ստեղծագործությունը իր սիրելի ստեղծագործությունն է համարում։ Այդ մասին նա հայտարարել է Երևանում տեղի ունեցած մամուլի ասուլիսի ժամանակ։
Դերասանը Հայաստան է եկել եղբոր` Բիբիի հետ MIX FIGHT 40 մրցումներին մասնակցելու համար։
«Հաճախ եմ կատարում այդ երգը, երբ կարաոկե ենք գնում», – նշեց Նասերին։ Նա նաև կատակեց, բացատրելով հանդիսատեսին, որ կարաոկեն այն է «երբ էկրանին տեքստ կա և երգելն ավելի հեշտ է»։
Սամին արդեն մոտ մեկ տարի է Ռուսաստանում է ապրում, որտեղ պատրաստվում է «Ծովախեցգետին» նոր ֆիլմի նկարահանումներին։ Գանգստերների մասին ֆիլմը նկարահանում է նրա եղբայրը` Բիբին, նկարահանումները կլինեն Յալթայում և Ռոստովում։
