ԵՐԵՎԱՆ, 24 փետրվարի – Sputnik. Ամերիկացի հայտնի ռեժիսոր, 20-րդ դարի մյուզիքլների արքա համարվող Սթենլի Դոնենը հեռացավ կյանքից: Նա 94 տարեկան էր: 1950-ականների կուլտային «Անձրեւի տակ երգողները» մյուզիքլի համառեժիսորի մահվան պատճառը սրտային անբավարարությունն է եղել:
Սթենլի Դոնենը Հոլիվուդի հիմնասյուներից մեկն էր, որի ներդրումն ամերիկյան մյուզիքլում իսկապես անգնահատելի է:
Նրա առավել հայտնի գործերից են «Թագավորական հարսանիքը», «Յոթ հարսնացու յոթ եղբայրների համար», «Զվարճալի մռութիկը»:
1998 թվականին հայտնի ռեժիսորն արժանացել է «Օսկար» մրցանակի «նրբագեղ, էլեգանտ, սրամիտ եւ վիզուալ նորարարությամբ տարբերվող աշխատանքի համար»:
