ԵՐԵՎԱՆ, 20 փետրվարի — Sputnik. «Նաիրի» բժշկական կենտրոնի գլխավոր տնօրեն Անատոլի Գնունու բնակարանը տակնուվրա են արել։ Նա այս մասին ասաց Sputnik Արմենիայի թղթակցի հետ զրույցում։
«Երեկ երեկոյան են թալանել։ Ինքս ոստիկանություն զանգեցի։ Բնակարանը խառնված էր, արժեքավոր իրեր են տարել, գումար չեն վերցրել», – ասաց Գնունին։
Նա այլ մանրամասներ չհայտնեց, ասաց, որ հիմա ի վիճակի չէ խոսել այդ թեմայով։
Հիշեցնենք` shamshyan.com–ն այսօր հայտնել էր, որ Երևանում թալանել են «Նաիրի» բժշկական կենտրոնի գլխավոր տնօրեն Անատոլի Գնունու տունը։ Ըստ կայքի` անհայտ անձը կամ անձինք Զաքյան 1-ին նրբանցքի 1-ին շենքի 1-ին հարկի բնակարանի պատուհանը բացելու միջոցով ներս էին մտել և գումար հափշտակել այնտեղից:
