ԵՐԵՎԱՆ, 20 փետրվարի – Sputnik. Կյանքից հեռացել է ՀՀ արվեստի վաստակավոր գործիչ, ռեժիսոր, միջազգային ակադեմիաների պատվավոր անդամ, Հայրենական Մեծ պատերազմի կամավոր մասնակից, հայկական հեռուստատեսության հիմնադիրներից մեկը` Էլմիրա Հեքեքյանը, որը երկար տարիներ եղել է «Հայ փոքրիկ երգիչներ» միջազգային ասոցիացիայի երկար տարիների փոխնախագահը։ Այս մասին նշված է «Հայաստանի փոքրիկ երգիչներ» երգչախմբի ֆեյսբուքյան էջում։
«Մեծ և հիշվող արժեքներ է ստեղծել Էլմիրա Հեքեքյանը, ապրել բազմաբովանդակ, նվիրյալի կյանք՝ լի արվեստով, արարումով, տիտանական աշխատասիրությամբ, գաղափարի շուրջ մարդկանց համախմբելու, բոցավառելու, անհնարինն իրականություն դարձնելու տաղանդով»,– նշված է հաղորդագրության մեջ։
Էլմիրա Հեքեքյանը 90 տարեկան էր։
