Կուսակցության համահիմնադիր Արթուր Ղազինյանը Sputnik Արմենիայի հետ զրույցում հաստատում է՝ցանկացած նոր ուժի հետ փորձում են կապ գտնել մերժված կամ ակտուալ հեղինակություն ունեցող անձինք: Նույնն է լինելու իրենց պարագայում:
Իրականում, ըստ նրա, միայն գաղափարն է այն ուժը, որն ի վերջո ավելի մեծ քվե կբերի։
«Այն, ինչ տեղի ունեցավ խորհրդարանում արհեստական դրամատուրգիայի ժանրի ներկայացում էր: Կար բաց մնացած ընդդիմության հարց, որը փորձ արվեց լուծել»,–ասում է Ղազինյանն` անդրադառնալով խորհրդարանում ընդդիմություն-իշխանություն փոխադարձ մեղադրանքներին:
«Մեկ Հայաստան» կուսակցության ներկայացուցիչը կարծում է, որ պետք է լինի ընդդիմություն, որքանով այդ ընդդիմությունը ընդունելի կլինի հետհեղափոխական ոգևորությունից հետ եկող մարդկանց համար, կախված կլինի իրական քաղաքական ծրագրից։
