Ռաֆիկ Անդրեասյան. «Ասում էին՝ բեղերիս տակ սատանաներ են, պարզվեց՝ հրեշտակներ են»
Անդրեասյանը վստահ է,որ այլևս ոչ ոք չի կարող քննարկել իր լեգիտիմությունը։ Համայնքի բնակիչներն արել են իրենց ընտրությունը, իսկ նա հագել է «խմելու շորերը»։
Անդրեասյանի օգտին քվեարկել են 911 ընտրող: Նրա հիմնական մրցակիցը եղել է Գևորգ Ավետիսյանը, որը դեռ չի շնորհավորել Անդրեասյանին։
«Իրենց աթոռն էր պետք, ուրիշ բան չէր»,– ասում է Ուրցաձորի ղեկավարը։
Անդրեասյանը խոստանում է ամեն բան անել համայնքի միասնականությունը վերականգնելու համար։
«Ասում էին բեղերիս տակ սատանաներ կան, պարզվեց` հրեշտակներ են, գնում են, խաղաղություն են քարոզում»,- ասում է նա։
Հիշեցնենք` փետրվարի 17-ին տեղական ինքնակառավարման մարմինների ընտրություններ են անցկացվել հանրապետության 24 համայնքում, որոնցից 14-ում ընտրությունները հերթական են, 10-ում՝ արտահերթ:
