Վահրամ Միրաքյան. «Հեղափոխությունը բանանի գնի հետ կապ չունի»
Բանանի ներկրմամբ զբաղվող գործարար Վահրամ Միրաքյանն այս հանգամանքը միայն սեզոնայնությամբ է պայմանավորում։ «Բանանի գնի անկման հետ հեղափոխությունը կապ չուներ, նոր իշխանությունն էլ կապ չունի դրա թանկացման հետ։ Դեռ հեղափոխությունից առաջ էի ասել, որ բանանը էժանանալու է ու այդպես էլ եղավ, հեղափոխությունը բանանի գնի հետ կապ չունի»,- Sputnik Արմենիայի եթերում ասում է Միրաքյանը։
Հայաստան բանան ներկրվում է հիմնականում Էկվադորից և Կոստա Ռիկայից։ Շուկայում բանան ներմուծողներն արդեն 3 տարի է չեն փոխվել։ Ձմեռը բանանը սովորաբար թանկանում է, որովհետև մեծանում է պահանջարկը, այն էժանանում է մայիս -հունիսին։
Հայաստանում, սակայն, ըստ Միրաքյանի, այդ փոփոխությունները զգացվում են միայն 40 օր հետո, հենց այսքան է տևում մինչև բանանը ծագման երկրից կհասնի Հայաստան։
