«160 հազար դրամով և 2 տարի տարաժամկետ վճարման տարբերակով պայմանագիր կնքած տնտեսավորողները, ովքեր իրավունք ունեն օգտվել պետական սուբսիդավորումից, պետք է վերաձևակերպեն պայմանագրերը։ Հարկավոր է էլեկտրոնային դիմում ուղարկել ,և պայմանագրերը կվերակնքվեն։ Նրանք, ովքեր արդեն վճարել են 160 հազար դրամ և ձեռք բերել սարքերը , նրանց գումարները կվերադարձվեն հաշվեհամարին` բանկային փոխանցման միջոցով։ Նրանք ևս պետք է դիմում գրեն համապատասխան էլեկտրոնային հասցեին` նշելով հաշվեհամարը, որին կվերադարձվի գումարային տարբերությունը»,–ասում է Մուրադյանը։
Ինչ է լինելու խանութների «մատյանների» հետ ։ Ինչպես են այսուհետև խանութպանները վարվելու այն մարդկանց հետ, ովքեր ապրանք ձեռքբերելիս ի վիճակի չեն այդ պահին կանխիկ վճարել և ստիպված են պարտք մնալ խանութին` մատյանում գրանցվելով։ «Նոր սերնդի ՀԴՄ սարքը թույլ է տալիս խանութի վաճառողին քաղաքացուն տրամադրել նաև հետվճարային կտրոն, որով փաստվում է առաջիկայում վճարման ենթակա գումարը»,–ասում է պաշտոնյան։
Նրա խոսքով` հետվճարային կտրոնն, ըստ էության , ենթադրում է, որ ապրանքը տրամադրվել է կամ առաքվել է, ծառայությունն էլ մատուցվել է ` բայց դեռ վճարը իրականացված չէ։
