ԵՐԵՎԱՆ, 8 փետրվարի — Sputnik. ՀՀ կառավարության կառուցվածքի վերաբերյալ քննարկումներն ավարտվել են։ Ինչպես տեղեկացնում են ՀՀ կառավարության մամուլի ծառայությունից, արդեն հայտնի են 12 նախարարությունների անվանումները:
Դրանք են`
Արտաքին գործերի նախարարություն
Պաշտպանության նախարարություն
Արտակարգ իրավիճակների նախարարություն
Արդարադատության նախարարություն
Աշխատանքի և սոցիալական հարցերի նախարարություն
Կրթության, գիտության և մշակույթի նախարարություն
Բնապահպանության նախարարություն
Առողջապահության նախարարություն
Ֆինանսների նախարարություն
Էկոնոմիկայի նախարարություն
Տարածքային կառավարման և ենթակառուցվածքների նախարարություն
Բարձր տեխնոլոգիաների արդյունաբերության նախարարություն:
Հիշեցնենք, ՀՀ վարչապետի պաշտոնակատար Նիկոլ Փաշինյանը դեռևս դեկտեմբերի 10-ին արտասահմանյան լրատվամիջոցների հետ հանդիպման ժամանակ հայտնել էր, որ նախարարությունների թիվը կառավարությունում պետք է կրճատվի` 17-ից դառնալով 12։Փետրվարի 8-ին Նիկոլ Փաշինյանը հայտարարել էր, որ Սփյուռքի նախարարության փոխարեն այսուհետ կստեղծվի Սփյուռքի գործերի գլխավոր հանձնակատարի պաշտոն վարչապետի աշխատակազմում:
Կառավարության նոր կառուցվածքի մասին նախագիծն Ազգային ժողովում կքննարկվի փետրվարի 12–ին:
