ԵՐԵՎԱՆ, 3 փետրվարի — Sputnik. ԱՄՆ Կոնգրեսի Ներկայացուցիչների պալատի անդամ, Դեմոկրատական կուսակցության ներկայացուցիչ Թուլսի Գաբարդը՝ Հավայի նահանգից, հայտարարել է 2020թ.-ին ԱՄՆ նախագահական ընտրություններին իր թեկնածությունն առաջադրելու մասին և մեկնարկել նախագահական իր ընտրապայքարը։ Նրա ելույթն ուղիղ եթերում հեռարձակվել է թվիթերյան իր էջում:
This Saturday, in my home state of Hawai'i, I will be officially announcing my candidacy for President of the United States, and kicking off the movement we will build together. Will you join me? https://t.co/QBiCZXRTHi pic.twitter.com/O29MIgB0UE
— Tulsi Gabbard (@TulsiGabbard) 31 января 2019 г.
«Մենք պետք է հակահարված տանք գործող վարչակազմին, որն առաջնորդվում «Ամերիկան՝ ամենից առաջ» կարգախոսով, սակայն մեր զինվորներին, զենքն ու շահերը վաճառում է ամենաշատ վճարող երկրներին»,- իր ելույթում ասել է 37-ամյա Գաբբարդը: Կոնգրեսականը նաև ներկայացրել է իր տեսլականն ու հետագա անելիքները։
Նա ընդգծել է, որ մտադիր է պայքարել այն կուսակցությունների և քաղաքական գործիչների դեմ, որոնք մտածում են նոր պատերազմներ հրահրելու մասին։
TULSI 2020: Tulsi Gabbard Presidential Campaign, The ALOHA Launch - Live from Hawaii, USA https://t.co/xcA4DxIIw6
— Tulsi Gabbard (@TulsiGabbard) 3 февраля 2019 г.
Նշենք, որ Թուլսի Գաբբարդը նախկին ԱԺ փոխխոսնակ, ՀՀԿ անդամ Արփինե Հովհաննիսյանի ընկերուհին է։ Նա 2017թ.–ին ամերիկացի կոնգրեսականների պատվիրակության կազմում այցելել է Արցախ։
Հավայի նահանգը, որը Գաբարդը ներկայացնում է Կոնգրեսում, ընդունել է Հայոց ցեղասպանությունը դատապարտող և Արցախի անկախությունը ճանաչող բանաձևեր:
