Ըստ Պողոսյանի` այս հարցի քննարկման համատեքստում պետք է հասկանալ, թե ինչ նպատակ է հետապնդում կառավարությունը եկամտային հարկի համահարթ` 23 տոկոս դրույքաչափ սահմանելով և հետագա տարիներին մինչև 20 տոկոս նվազեցնելով։
«Պետք է նկատել, որ կառավարության հիմնական նպատակը արտադրողական աշխատուժը խրախուսելը և արտահանմանը միտված ձեռնարկատիրական գործունեության միջավայրը բարելավելն է, ըստ այդմ`արտաքին շուկաներում մեր տեղական արտադրանքի մրցունակության բարձրացումը»,– նշեց փոխնախարարը։
Նրա խոսքով` վարձու աշխատողների մեծ մասը, ըստ հայտարարագրված փաստացի տվյալների, ստանում է 150 հազարից քիչ աշխատավարձ և եկամտային հարկի փոփոխություննառաջին փուլում, որը ընդամենը 4 ամիս է լինելու, (2019 թվականի սեպտեմբերից մինչև տարեվերջ) մարդիկ, թերևս, չեն զգա այդ փոփոխության ազդեցությունը, բայց 2020 թվականից, երբ դրույքաչափը կսկսի իջնել, այդ պարագայում արդեն բոլոր եկամտային խմբում գտնվողները կունենան տնօրինվող եկամտի աճ։
