ԵՐԵՎԱՆ, 26 հունվարի – Sputnik, Արմենուհի Մխոյան. Գյումրեցիները երեկ` հունվարի 25-ին, կրկին իրենց քաղաքում տեսան ՀՀ նախագահ Արմեն Սարգսյանին ու նրա տիկնոջը` Նունե Սարգսյանին։ Նրանք եկել էին Գյումրու պետական սիմֆոնիկ նվագախմբի 25–ամյակին նվիրված հոբելյանական համերգին, բայց առաջին կանգառը, ինչպես միշտ, Սուրբ Յոթվերք եկեղեցին էր
![Արմեն Սարգսյանը կնոջ հետ հոյակապ երեկո է անցկացրել Գյումրիում Արմեն Սարգսյանը կնոջ հետ հոյակապ երեկո է անցկացրել Գյումրիում - Sputnik Արմենիա](https://cdn.am.sputniknews.ru/img/1696/13/16961365_0:0:1600:1066_600x0_80_0_0_e62afeac90d23975864234dd2a7c14e2.jpg)
«Այսօր աշխատանքային օրվա ավարտից հետո իմ ու կնոջս համար շատ գեղեցիկ օր էր։ Ընդամենը մեկուկես ժամ հետո դու Գյումրիում ես, բարեկամների ու ընկերների հետ հոյակապ երեկո ես անցկացնում` շատ գեղեցիկ համերգ լսելով: Կարծում եմ՝ և՛ Երևանից, և՛ Հայաստանի մյուս վայրերից մարդիկ հաճախ պետք է գան այս մշակութային քաղաք՝ երաժշտություն լսելու, թատրոն դիտելու և վայելելու այս հրաշալի քաղաքը»,-լրագրողների հետ ճեպազրույցի ժամանակ նշեց Արմեն Սարգսյանը:
![Գյումրու պետական սիմֆոնիկ նվագախմբի 25–ամյակին նվիրված հոբելյանական համերգին Գյումրու պետական սիմֆոնիկ նվագախմբի 25–ամյակին նվիրված հոբելյանական համերգին - Sputnik Արմենիա](https://cdn.am.sputniknews.ru/img/1696/13/16961349_0:142:1431:1041_600x0_80_0_0_baf98c997709e155a192a7140424db0e.jpg)
![Գյումրու պետական սիմֆոնիկ նվագախմբի 25–ամյակին նվիրված հոբելյանական համերգ Գյումրու պետական սիմֆոնիկ նվագախմբի 25–ամյակին նվիրված հոբելյանական համերգ - Sputnik Արմենիա](https://cdn.am.sputniknews.ru/img/1696/13/16961357_0:194:1600:1200_600x0_80_0_0_a9a503365db4c10d0d92376c19d75b17.jpg)
Նախագահը երբեք չի թաքցրել Գյումրու ու գյումրեցիների հանդեպ սերը: Նա առաջին անգամ Գյումրի է այցելել 1988–ի երկրաշարժից հետո, երբ վարչապետ էր։ «Դեռ այն ժամանակ հիացա գյումրեցիների պահվածքով. չէին պահանջում ու չէին տրտնջում»,– նախորդ այցերի ժամանակ ասել է Սարգսյանը:
![Արմեն Սարգսյանը կնոջ հետ հոյակապ երեկո է անցկացրել Գյումրիում Արմեն Սարգսյանը կնոջ հետ հոյակապ երեկո է անցկացրել Գյումրիում - Sputnik Արմենիա](https://cdn.am.sputniknews.ru/img/1696/12/16961281_0:0:1600:1066_600x0_80_0_0_b4be40bf283b681dc3cabfaa3ea4f642.jpg)
Եթե մինչ այս երբեք գյումրեցիները հանրապետության նախագահներին այդքան մոտ տեսնելու հնարավորություն չեն ունեցել, ապա հիմա արդեն Արմեն Սարգսյանին պարբերաբար են հանդիպում Գյումրու փողոցներում: Ամեն հնարավորության դեպքում՝ լինի ներկայացում, թե այս կամ այն սրճարանն այցելելու ու պարզապես ժողովրդի հետ շփվելու ցանկություն, նախագահը տիկնոջ հետ Գյումրի է գալիս: