ԵՐԵՎԱՆ, 25 հունվարի – Sputnik. Երկու օրից Հայաստանում եղանակը կտաքանա։ Facebook սոցիալական ցանցի իր էջում այս մասին գրել է ՀՀ ԱԻՆ Հիդրոմետ ծառայության օդերևութաբանության կենտրոնի ղեկավար Գագիկ Սուրենյանը։
«Հունվարի 27-ից սկսած` մարտ ամսվա շունչ կզգաք»,– գրել է նա։
Նրա գրառմանը հաջորդել են հիացական մեկնաբանությունները։ Ոմանց հետաքրքրել է նաև, թե մարտյան շունչը քանի օր կտևի։ Սուրենյանն առայժմ չի պատասխանել այդ հարցին, սակայն ՀՀ ԱԻՆ–ի կայքում հրապարակված տվյալների համաձայն` հունվարի 27-ին Երևանում ցերեկային ժամերին օդի ջերմաստիճանը կհասնի 8-10 աստիճան տաքության, Արցախում` 12-16 աստիճանի։
