ԵՐԵՎԱՆ, 24 հունվարի — Sputnik. ԱՄՆ նախագահի խորհրդական Ջոն Բոլտոնը Twitter–ի իր էջում գրել է ՀՀ վարչապետ Նիկոլ Փաշինյանի հետ հեռախոսազրույցի մասին։
Հիշեցնենք, որ հեռախոսազրույցը տեղի է ունեցել հունվարի 23-ին, երբ ՀՀ վարչապետը Դավոսում էր։
«Երեկ զանգահարեցի ՀՀ վարչապետ Նիկոլ Փաշինյանին և շնորհավորեցի վերանշանակվելու կապակցությամբ, ինչպես նաև աջակցություն հայտնեցի հայ ժողովրդին դեկտեմբերին կայացած ազատ և անաչառ խորհրդարանական ընտրությունների կապակցությամբ», – գրել է Բոլտոնը։
I called Prime Minister Pashinyan of Armenia yesterday to congratulate him on his re-appointment and applaud the Armenian people on free and fair elections in December. The U.S. supports his efforts to secure a prosperous future for Armenia.
— John Bolton (@AmbJohnBolton) 24 января 2019 г.
Նա վստահեցրել է, որ ԱՄՆ–ն աջակցում է Նիկոլ Փաշինյանի` Հայաստանի ապագա բարգավաճմանն ուղղված ջանքերին։
Հիշեցնենք, որ Բոլտոնը Երևան էր այցելել անցած տարվա սեպտեմբերին։ Նա Երևանում մի քանի աղմկահարույց հայտարարություն էր արել արցախյան թեմայի և հայ–ռուսական ռազմատեխնիկական համագործակցության վերաբերյալ։ ԱՄՆ նախագահի խորհրդականը նաև կոչ էր արել Երևանին դադարեցնել Իրանի հետ համագործակցությունը։
