Շահինյանը նշում է, որ դեռևս 2000–ականներից միշտ մասնակցել է քաղաքական գործընթացներին:
«2008–ին չեմ վերընտրվել, քանի որ եզակի ղեկավարներից էի, որ 2008- ի մարտի 1-ին չեմ եղել կառավարության շենքում» պատմում է Արաբկիրի նախկին թաղապետ Հովհաննես Շահինյանը:
«Մարտի 2-ին գնացել եմ կառավարություն, այնտեղ բախում ենք ունեցել Սյունիքի նախկին մարզպետ Սուրիկ Խաչատրյանի՝ տխրահռչակ Լիսկայի հետ. իմ բացակայությունը ֆիքսվել էր: Մեկն էլ, որ թույլ չտվեց այդ բախումը ծեծկռտուքի վերածվի, այսօրվա վարչապետի խորհրդական Արշակ Կարապետյանն էր։ Եղան նաև միջամտող այլ գեներալներ: Ու այդտեղից ու այդ օրվանից խփեցինք այն մեխը, որը փակեց իմ քաղաքական կենսագրության էջը»,– ասում է նա:
Շահինյանը պատմում է նաև, որ այս ընթացքում ժամանակ առ ժանական եղել է Երևանում, հետևել է բոլոր գործընթացներին:
Հիմա արդեն միշտ է լինելու Երևանում: Նա մասնակցում է Կարեն Դեմիրճյանի անվան մարզահամերգային համալիր» պետական ոչ առևտրային կազմակերպության տնօրենի թափուր պաշտոնը զբաղեցնելու համար Պետական գույքի կառավարման կոմիտենի հայտարարած բաց մրցույթին:
«Կուզեի` նոր շունչ լիներ մարզահամերգային համալիրում: Համալիրը մարմին է, որը պետք է շնչի: Ինչո՞ւ այնտեղ չստեղծվի, օրինակ, անկախ էներգահամակարգ, որ այդ գեղեցիկ շենքը լուսավորված լինի նաև գիշերը, լինեն շուրջօրյա բաց ցուցահանդեսներ»,– նշում է Շահինյանը:
Հաղորդավար`Աննա Վարդանյան:
