ԵՐԵՎԱՆ, 24 հունվարի — Sputnik. Մամուլում հրապարակված ՊԵԿ պարգևավճարների ցուցակն ու այդ մասին տեղեկատվությունն ապատեղեկատվություն է և սուտ։ Այսօր կառավարության նիստից առաջ լրագրողների հետ զրույցում ասաց ՊԵԿ նախագահ Դավիթ Անանյանը։
«Այդպիսի պարգևատրումների գումարներ հնարավոր չեն ուղղակի»,- ասաց Անանյանը։
Իսկ թե իրականում ինչքան են կազմել իր ու իր աշխատակիցների պարգևավճարները, Անանյանը հրաժարվեց հրապարակել՝ ասելով. «Չեմ կարող ասել»։
Անանյանը շտապեց նիստի ու խոստացավ այս թեմայի շուրջ ավելի մանրամասն խոսել նիստից հետո։