ԵՐԵՎԱՆ, 23 հունվար — Sputnik. Վենեսուելայի ընդդիմադիր խորհրդարանի առաջնորդ Խուան Գուաիդոն իր վրա է վերցրել նախագահի լիազորությունները: Այս մասին տեղեկացնում է ՌԻԱ Նովոստին:
These are photos from multiple cities of #Venezuela. Millions of Venezuelans are on the streets demanding their freedom. It's time for a change. pic.twitter.com/8c27M4c5sy
— Jorge Jraissati (@JraissatiJorge) January 23, 2019
«Երդվում եմ կատարել գործադիր իշխանության լիազորությունները՝ որպես Վենեսուելայի նախագահ»,- հայտարարել է նա:
Գուաիդոն երդման այս արարողությունն արել է իր հազարավոր կողմնակիցների առջև, որոնք հավաքված էին Կարակասի շրջաններից մեկում՝ Չակաոյում:
Millions in #Venezuela marching to remove dictator Maduro today.
— Todd Kron (@Toddkron) January 23, 2019
World's highest:
* Murder rates
* Inflation
* Food shortages
* Medicine shortages
* Murdered protestors pic.twitter.com/weugKyOPfS
ԱՄՆ նախագահ Դոնալդ Թրամփը փաստացի միանգամից ճանաչել է Վենեսուելայի ընդդիմության առաջնորդին որպես երկրի անցումային շրջանի նախագահ:
«Որպես իշխանության միակ ճյուղ, որն օրինական է ընտրվել Վենեսուելայի ժողովրդի կողմից, Ազգային ասամբլեան, հղում կատարելով երկրի սահմանադրությանը, հայտարարել է Նիկոլաս Մադուրոյին օրենքից դուրս, իսկ նախագահի պաշտոնը՝ թափուր»,-ասված է ԱՄՆ առաջնորդի հայտարարության մեջ:
Թրամփը շեշտել է, որ կօգտագործի ԱՄՆ տնտեսական և դիվանագիտական ողջ ներուժը, որպեսզի «Վենեսուելայում վերահաստատվի ժողովրդավարությունը»: Նա հավելել է, որ պատրաստ է պատասխանատվության ենթարկել «Մադուրոյի ռեժիմին» եթե նկատի «Վենեսուելայի ժողովրդի դեմ ուղղված որևէ սպառնալիք»:
«ԱՄՆ ճանաչում է Խուան Գուաիդոյի խիզախ որոշումը՝ ընդունել Վենեսուելայի անցումային նախագահի պաշտոնը երկրի սահմանադրության 233-րդ հոդվածի համաձայն: Մենք աջակցում ենք Ազգային ասամբլեային և նրանց բոլոր ջանքերին՝ ուղղված անցումային կառավարություն ձևավորելուն և Վենեսուելան ազատ և արդար ընտրություններին նախապատրաստելուն»,- իր հերթին Twitter-ում գրել է ԱՄՆ պետքարտուղար Մայք Պոմպեոն:
The United States recognizes Juan Guaido’s courageous decision to assume the role of Interim President per Venezuela’s Constitution Article 233. We support @AsambleaVE and their efforts to establish a transitional government and prepare #Venezuela for free and fair elections.
— Secretary Pompeo (@SecPompeo) January 23, 2019
Իսկ երկրում անկարգությունների ու բախումների հետևանքով զոհերի թիվը հասել է չորսի:
Հունվարի 22-ին Կարակասում տեղի էր ունեցել զինվորականների ըմբոստության անհաջող փորձ, որի մասնակիցները ձերբակալվել էին:
Սակայն քաղաքի մի շարք թաղամասերում սկսվել էին զանգվածային ակցիաներ՝ ի աջակցություն ցուցարարների: Իշխանությունները ցույցերը ցրելու նպատակով դիմել էին ուժի կիրառման:
