ԵՐԵՎԱՆ, 23 հունվարի — Sputnik. Հայաստանում 2021թ–ից բժշկական պարտադիր ապահովագրության համակարգ կներդրվի։ Այսօր հրավիրված ասուլիսի ժամանակ ասաց ՀՀ առողջապահության նախարար Արսեն Թորոսյանը։
Նրա խոսքով` առայժմ ոչ բոլոր հարցերն են լուծվել, օրինակ` աշխատավարձի քանի՞ տոկոսն է փոխանցվելու հատուկ հիմնադրամ։
Համաշխարհային փորձում այդ տոկոսը սկսվում է 2–ից և հասնում 30–ի։ Զարգացած երկրներում այդ տոկոսը հասնում է միջինը մինչև 26 տոկոսի։
«Մենք հակված ենք սկսել փոքր տոկոսներից», – ասաց Թորոսյանը։
Նրա խոսքով` առաջին փուլում ծրագրին կմիանան բյուջետային աշխատողները, դրանից հետո` նաև կենսաթոշակառուները։ Ամենայն հավանականությամբ, նրանց, երեխաների և ուսանողների համար կվճարեն առողջ, աշխատող մարդիկ։
Եթե կենսաթոշակառուները ներգրավվեն ծրագրի վաղ փուլում, ապա աշխատավարձի պահումների տոկոսը, իհարկե, ավելի բարձր կլինի։
Բժշկական ապահովագրություն ներմուծելու առաջին փուլը կսկսվի 2021թ–ին։ Բժշկական ապահովագրություն սահմանելու վերջնական ժամկետ առայժմ չկա։
Թորոսյանը նշեց, որ Արևելյան Եվրոպայում, հետխորհրդային տարածքում կան երկրներ, որտեղ 25 տարում հասել են բնակչության 95 տոկոսի ապահովագրման։
