Մարդիկ ցանկանում են ապրել խաղաղ պայմաններում, ունենալ աշխատանք և այնպիսի աշխատավարձ, որը թույլ կտա բարեկեցիկ ապրել, ցանկանում են, որ իրենց երեխաները ունենան որակյալ կրթություն, որպեսզի հետագայում էլ ավելի լավ ապրեն, քան իրենք, մարդիկ ցանկանում են հիվանդանալու դեպքում մատչելի ու որակյալ բուժում ստանալ և վերջում ցանկանում են անաշխատունակ վիճակում հայտնվելիս կամ ծերանալիս ապահովված լինի իրենց բարեկեցությունը. ըստ սոցիոլոգիական գիտությունների թեկնածու Սամվել Մանուկյանի սրանք են այն սպասումները, որ առհասարակ ունենում են հասարակության անդամները պետությունից:
«Եթե մենք զուգահեռներ անցկացնենք Նիկոլ Փաշինյանի նկատմամբ շատ մեծ հասարակական վստահության և Կարեն Կարապետյանի վարչապետության ժամանակ նրա նկատմամբ եղածի միջև, ապա մենք կունենանք նույն պատասխանը»,- Sputnik Արմենիայի եթերում ասաց Մանուկյանը:
Ըստ նրա՝ հասարակության լայն շրջանակները հասկանում են, որ ակնթարթային բարենպաստ փոփոխություններ հնարավոր չեն:
