ԵՐԵՎԱՆ, 19 հունվարի – Sputnik. ՀՀ վարչապետ Նիկոլ Փաշինյանը մեկնում է Համաշխարհային տնտեսական ֆորումի շվեյցարական Դավոս գլխավոր խորհրդարանի ուղեկցությամբ։ Այս մասին տեղեկանում ենք կառավարության կայքից։
Պատվիրակության կազմում է վարչապետի գլխավոր խորհրդատու Արսեն Գասպարյանը, օգնական Հրաչյա Թաշչյանը, նաև արձանագրության ու մամուլի ասուլիսի աշխատակիցները։
Sputnik Արմենիայի թղթակից հետ զրույցում տնտեսագետ Ատոմ Մարգարյանն ասաց, որ Դավոսի ֆորումը շատ կարևոր է։ Նա կարծում է, որ Փաշինյանի ելույթը, ամենայն հավանականությամբ, նվիրված է լինելու «թավշյա հեղափոխության» մոտիվներին ու տնտեսական ոլորտի ակնկալիքներին։
«Ինչպես և նախկինում, ներդրումային ակնկալիքներ կան», - նշեց Մարգարյանը։
Նրա խոսքով՝ նախորդ տարի վարչապետ Կարեն Կարապետյանի այցերը բավականին համեստ էին։ Դժվար է խոսել Դավոսում ձեռք բերած ներդրումային ծրագրերի կամ պայմանավորվածությունների մասին։
Հայաստանում տեղի ունեցածը փոխում է ակնկալիքները։ Հիմա դրանք շատ ավելի բարձր են։
«Հայաստանը տարվա երկիր է ճանաչվել, ու կարելի է ասել, որ շատ երկրների ներդրողների ուշադրությունը մեր հանրապետության վրա է։ Ամեն ինչ կախված է Փաշինյանի կառավարության ձևավորած օրակարգից ու նրա առաջարկած ծրագրերից», - նշեց Մարգարյանը։
Նա նշեց, որ առանցքային բարեփոխումներ են ակնկալվում պետական կառավարման, հարկերի ոլորտներում։
Տնտեսագետն ուշադրություն հրավիրեց այն փաստին, որ ֆորումի կայքում Փաշինյանի հրապարակած կայքում շեշտը դրված է հենց տնտեսական փոփոխությունների վրա։
«Ժամանակն է հրաժարվել հեղափոխական բառապաշարից։ Տնտեսության մեջ «թռիչքների» սահմանումները չափազանցված են։ Վարչապետի թիմի փորձագետները, ինչպես և ինքը՝ Փաշինյանը, արդեն փոխել են հռետորաբանությունը։ Դավոսն այն վայրը չէ, որտեղ կարելի է նման թեմաներից խոսել», - նշեց Մարգարյանը։
Նշենք՝ նախորդ տարի Հայաստանը ինը տարի դադարից հետո էր Դավոս մեկնել։ Համաշխարհային տնտեսական ֆորումում պատվիրակության ղեկավար, այն ժամանակվա վարչապետ Կարեն Կարապետյանը հանդիպել էր Նիդեռլանդների գործադիրի ղեկավարի, Ռուսաստանի փոխվարչապետի, Զարգացման ասիական բանկի ու Ճապոնիայի միջազգային համագործակցության գործակալության տնօրենների հետ, նաև Կանադայից ու Էմիրություններից խոշոր ներդրումային ընկերությունների ղեկավարների հետ։
Կարապետյանը Հայաստան էր հրավիրել Սինգապուրի վարչապետին ու Ասիական զարգացման բանկի ղեկավարին։ Սակայն նրանք չէին հասցրել նախորդ իշխանությունների օրոք Հայաստան գալ։
Ֆորումի պատմությունը սկսվում է 1971 թվականից։ 1974 թվականի հունվարին քաղաքական առաջնորդներն առաջին անգամ էին Դավոս հրավիրվել։ 1976 թվականին ֆորումն առաջին անգամ մշտական անդամակցության համակարգ է մտցրել։ 1987 թվականին հանդիպումները ստացան ներկայիս անվանումը՝ Համաշխարհային տնտեսական ֆորում՝ դրա համաշխարհային նշանակությունն ընդգծելու համար։
