ԵՐԵՎԱՆ, 5 Հունվար — Sputnik. Հունվարի 4-ին Ճանապարհային ոստիկանության հատուկ պահպանվող տարածքներ են տեղափոխվել 39 տրանսպորտային միջոց: Այս մասին տեղեկացնում է ՀՀ ոստիկանության հասարակայնության հետ կապերի և լրատվության վարչության լրատվամիջոցների բաժնի պետ Էդգար Ջանոյանը:
Հատուկ պահպանվող տարածքներ տեղափոխված 39 մեքենաներից 33-ի վարորդները եղել են ոչ սթափ վիճակում:
Ընդհանուր առմամբ հունվարի 1-ից մինչև հունվարի 4-ը, Ճանապարհային ոստիկանները հատուկ պահպանվող տարածքներ են տեղափոխել 178 տրանսպորտային միջոց, որից 159-ը ոչ սթափ վիճակում վարելու համար:
Ոստիկանությունը կրկին հորդորում է խստագույնս պահպանել երթևեկության կանոնները և չվտանգել երթևեկության մյուս մասնակիցների կյանքն ու առողջությունը:
