ԵՐԵՎԱՆ, 4 հունվարի — Sputnik. Երևանում վրաերթի են ենթարկել անչափահասների։ Նրանք քույր ու եղբայր են։ Ինչպես տեղեկացնում է Shamshyan.com–ը, երեկ՝ հունվարի 2-ին, ժամը 22:00-ի սահմաններում, Երևանի բնակիչ, 29-ամյա Գեորգի Սարինյանը իր վարած Opel մակնիշի 35 QL 532 համարանիշի ավտոմեքենայով Սվաճյան փողոցում վրաերթի է ենթարկել Երևանի բնակիչներ, 12-ամյա Գրիգոր Ա.-ին և 13-ամյա Կարինե Ա.-ին:
Վարորդը փախուստի չի դիմել, ահազանգել է 1-03, օգնել է երեխաներին տեղափոխել Սբ. Աստվածամայր բժշկական կենտրոն։ Հիվանդանոցից տեղեկացրել են, որ երեխաների կյանքին ու առողջությանը վտանգ չի սպառնում:
Շամշյանի տեղեկություններով, վրաերթի ենթարկվածները քույր և եղբայր են, իսկ վարորդը աշխատում է «Դերժավա» ՍՊԸ-ում:
