Նանա Մարտիրոսյան, Sputnik Արմենիա
Ձմեռային զբոսաշրջությունն ու էսքտրիմը համադրել ցանկացողների համար Հայաստանը շատ հարմար երկիր է։ Այստեղ կարելի է գտնել ձյան ու սառնամանիքի հետ կապված զվարճանքների գրեթե բոլոր տեսակները։ Այս մասին Sputnik Արմենիայի թղթակցի հետ զրույցում ասաց թրեվել-բլոգեր Լիլիթ Խաչատուրյանը։
Ski tour (լեռների մագլցում դահուկներով)
Հայաստանում զարգացող ուղղություններից է։ Տուրերը կազմակերպվում են դեպի ամենագեղեցիկ լեռնային շրջաններ՝ Եղեգիս, Թեղենիս, Հատիս, որոնք զբոսաշրջության համար սիրված ուղղություններ են համարվում։ Այն հիմնականում դա երկար է տևում, քանի որ մասնակիցները ոտքով սար են բարձրանում, հետո դահուկներով իջնում են։
Snowshoeing (ձնոտ տեղանքում քայլք)
Ձմեռային զբոսաշրջության ամենատարածված տեսակներից է։ Այն նախատեսված է գրեթե ցանկացած տարիքի մարդկանց համար ու հատուկ պատրաստվածություն չի պահանջում։ Միակ բանը, որ հարկավոր է՝ հաճույքով քայլել ձնոտ տեղանքում։ Հայաստանում նման ուղևորություններ կազմակերպում են անտառներում, Ծաղկունյան լեռներում ու Դիլիջան ազգային պարկում։
Cross-country skiing (Դահուկով վազք)
Մեր երկրում դահուկավազքով զբաղվելու շատ վայրեր կան։ Բնակլիմայական պայմանները թույլ են տալիս, որ Հայաստանում այդ սպորտաձևը զարգանա։ 2017 թվականին Աշոցքում առաջին անգամ դահուկային վազքի երկօրյա փառատոն անցկացվեց։
Husky tour (ուղևորություն շներով լծված սահնակներով)
2018 թվականին Հայաստանում առաջին անգամ նման տուր կազմակերպվեց։ Շներով լծված սահնակներով Լոռիում կարճ ուղևորություններ են կազմակերպվում երեխաների համար ու երկար՝ մեծերի, այդ թվում՝ գիշերային։ Կարելի է հաղթահարել Մայմեխ, Մայրասար ու Թեժլեռ սարերը։
Zorbing (վայրէջք թափանցիկ գնդով)
Սուր զգացողությունների սիրահարներին կհիացնի այս զբաղմունքը։ Ձմեռային զբոսաշրջության այս տեսակն այն մարդկանց համար է, որոնք պատրաստ են ադրենալինի ճողփյունին։ Գնդի պտույտը երկար կհիշվի։ Այն կազմակերպվում է Ծաղկաձորում, Դիլիջանում, Ջերմուկում ու Ենոքավանում։
Snowkiting (կայթով` ձյան մակերեսին)
Հայաստանի գեղեցկությունը ամբողջությամբ տեսնելու համար անպայման պետք է պարապլանով ձմեռային թռիչքներ կատարել։ Ակտիվ հանգստի այդ տեսակի համար անհրաժեշտ է քամիներով ու ձնով լի դաշտ։ Զբոսաշրջիկները կարող են սնոուկայթինգ փորձել Ծաղկաձորում, Ազատի ջրամբարում ու Եղվարդում։
