2019 թվականին թրենդային են դեղինն ու դեղինի երանգները, ինչպես նաև կանաչն ու շագանակագույնը։
Yerevan Mall առևտրի կենտրոնի վաճառքի և միջոցառումների հարցերով մենեջեր Ինգա Մուրադյանը նշում է, որ կան գույներ, որոնք արդիական են մնում` անկախ սեզոնից կամ նորաձևությունից։ Դրանք են սևը, սպիտակը, կարմիրն ու մոխրագույնը։
Աստղաբանները պնդում են, որ այս տարին պետք է դիմավորել լայն շրջազգեստով, ինչն անպայման հաջողություն կբերի։
«Չգիտեմ` պե՞տք է դրան հավատալ, թե՞ ոչ, բայց ծալքավոր շրջազգեստները թրենդի մեջ են», – Sputnik Արմենիայի թղթակցի հետ զրույցում ասաց Մուրադյանը։
Նա խորհուրդ է տալիս զգեստն ընտրելիս նախապատվությունը տալ դեղին և մանանեխագույն երանգներին։ Վառ զգեստների սիրահարները կարող են կիտրոնագույն զգեստ հագնել։
«Կարմիրը միշտ նորաձև է։ 4 ակտիվ գույն կա, որոնք նորաձևությունից դուրս չեն գալիս` սև, սպիտակ, մոխրագույն և կարմիր։ 2019 թվականին կարմիրը նորաձև չի համարվում, բայց կարմիր զգեստով կինը միշտ հիասքանչ տեսք ունի», – ասաց Մուրադյանը։
Տղամարդկանց խորհուրդ է տրվում ընտրել շագանակագույնի, ինչպես նաև կավագույնի երանգները։
Մանրամասները` տեսանյութում։
