ԵՐԵՎԱՆ, 31 դեկտեմբերի – Sputnik. ՀՀ ԱԻՆ Հիդրոմետ ծառայության օդերևութաբանության կենտրոնի ղեկավար Գագիկ Սուրենյանը Facebook սոցիալական ցանցի իր էջում գրել է, որ այսօր երեկոյան նույնպես ձյուն է տեղալու, ընդ որում` շքեղ։
«Երեկոյան ամանորյա հրաշքը ապահովվված է, սպասվում է շքեղ ձյուն»,– գրել է նա:
Սուրենյանը չի նշել` կանխատեսումն ամբողջ Հայաստանին է վերաբերում, թե միայն Երևանին, որտեղ այս պահին ձյուն է տեղում։
Նրա էջի բաժանորդների մեծ մասն ուրախացել է առատ ձյան մասին լուրից։ Մարդկանց դուր է եկել Նոր տարին հեքիաթով սկսելու գաղափարը։
