ԵՐԵՎԱՆ, 25 Դեկտեմբեր — Sputnik. Միացյալ Նահանգների նախագահ Դոնալդ Թրամփը քննադատել է 7–ամյա տղային։
Նախագահն ու առաջին տիկին Մելանյա Թրամփը մասնակցել են «NORAD-ը հետևում է Սանտային» ակցիային: Ակցիայի ընթացքում տարբեր մեդիաալիքներով, սոցցանցերում և հատուկ կայքում հաղորդվում է հորինված երթուղու մասին, որով Սանտա Կլաուսը գալիս է Հյուսիսային բևեռից, գրում է The Daily Beast-ը:
Donald Trump, answering phone call from 7-year-old on Christmas Eve: "Are you still a believer in Santa? Because at seven it's marginal, right?" pic.twitter.com/VHexvFSbQ1
— The Daily Beast (@thedailybeast) 25 декабря 2018 г.
Ակցիային մասնակցում են բազմաթիվ կամավորներ, որոնք ընդունում են երեխաներից ստացված հեռախոսազանգեր: Զանգերի մի մասը միացվել է նաև Սպիտակ տուն, որտեղ նրանց պատասխանել են անձամբ նախագահն ու առաջին տիկինը:
«Ալո, Քո՞լման, շնորհավոր Սուրբ ծնունդ: Ինչպե՞ս են գործերդ... Դպրոցում ամեն ինչ լա՞վ է։ Ինչպե՞ս, դու դեռ հավատո՞ւմ ես Սանտային: Յոթ տարեկանում արդեն նրա գոյությանը չեն հավատում »,- ասել է Թրամփը՝ չկարողանալով զսպել իր զարմանքը, որ 7-ամյա Քոլմանը դեռ հավատում է Սանտայի գոյությանը:
Helping children across the country track #Santa is becoming one of my favorite traditions! @Potus and I enjoyed working with @NORADSanta - #ChristmasEve pic.twitter.com/CYNkARbFaI
— Melania Trump (@FLOTUS) 25 декабря 2018 г.
Իսկ 7–ամյա երեխան շատ է զարմացել Թրամփի ասածից:
Սուրբ ծնունդին երեխաների զանգերին պատասխանելու ավանդույթը գործում է 1955 թվականից։
