ԵՐԵՎԱՆ, 25 դեկտեմբերի — Sputnik. 50–ամյա հայի վիճակը կայուն ծանր է, Sputnik Արմենիային տեղեկացրին Ուկրաինայում Հայաստանի դեսպանատնից։
Պայթյունը որոտացել է կիրակի օրը Լվովում սուրբծննդյան առթիվ կազմակերպված տոնավաճառում։ Պայթյունի հետևանքով տուժած Ուկրաինայի քաղաքացի հայը վերակենդանացման բաժանմունքում է։
«Նրա վիճակը կայուն ծանր է», – ասացին մեզ հետ զրույցում։
Նրանց խոսքով` շուտով հիվանդին կայցելի դեսպանատան ներկայացուցիչը։ Միաժամանակ դիվանագիտական ներկայացուցչությունը մշտական կապի մեջ է հիվանդանոցի և ոստիկանության աշխատակիցների հետ։
Նշվում է, որ պատճառը գազային բալոնի պայթյունն է եղել։ Լվովի քաղաքապետ Անդրեյ Սադովիի խոսքով` արտակարգ դեպքը տեղի է ունեցել գազի բալոնն ապօրինի կերպով օգտագործող գործարարի մեղքով։ Հիմա քաղաքում ստուգում են Սուրբ ծննդին նվիրված բոլոր տոնավաճառները։
