Հենց տոնածառն է աշխարհի մի շարք երկրներում սուրբծննդյան տոնի ավանդական խորհրդանիշը։ Դժվար է տոնը պատկերացնել առանց մշտադալար ծառի ճյուղերից կախված գույնզգույն խաղալիքների և փայփլուն շղթաների։
Պարզվում է, որ տոնածառ զարդարելու ավանդույթը Եվրոպայից է ներթափանցել, բայց ոչ թե գերմանական, այլ կելտական ծագում ունի։
Այսօր արդեն տոնական եղևնիների մեծ բազմազանություն կա` բնական ու արհեստական, գույնզգույն ու տարբեր բարձրության։ Բայց քչերն են մտածում, թե որտեղից են հայտնվում քաղաքի տարբեր ծայրերում վաճառվող բնական եղևնիները։
«Մեկ տարվա ընթացքում տնկին հազիվ 10-15 սմ է աճում, հետագայում տնկեցման ևս երեք փուլ է անցնում։ Վերջին փուլում (4-5 տարեկանում) առավելագույնը մեկ մետր բարձրության հասած ծառը վաճառքի է ուղարկվում», – Sputnik Արմենիային պատմեց դենդրոպարկի տնօրեն Վիտալի Լեոնովիչը։
Նա անթույլատրելի է համարում ծառի գագաթը կտրելը. բացի այն, որ եղևնին տգեղանում է, այլև կարող է չորանալ։
