Նա նշում է, որ բոլորը, կարծես, մոռացել են, որ ընդդիմությունը դեր չունի, և սուպերվարչապետական համակարգը խեղդել է մյուս ինստիտուտներին։
«Շատ կարևոր է, որ սուպերվարչապետական համակարգը վերափոխվի, կազմաքանդվի և լիազորությունները փոխանցվեն խորհրդարանին։ Այլապես մենք լուրջ խնդիր ենք ունենալու, և նույնի շարունակությունն է լինելու, այսինքն` մի մարդ ղեկավարելու է բոլորին, և այդ մարդը պատասխան է տալու այս ամենի համար»,–ասում է նա։
Մարուքյանը հիշատակում է, որ կառավարության կառուցվածքի մասին օրենքով է սա արվել և այդպես էլ կարող է փոփոխության ենթարկվել։ «Այսօր հրապարակվել է այդ նախագիծը, և այդտեղից երևում է, որ սուպերվարչապետական համակարգը չի կազմաքանդվում։ Սա արդեն վատ ուղերձ ու ազդակ է, որ գործող իշխանությունը չի հրաժարվում հին վատ համակարգից»,–ասում է Մարուքյանը։
