ԵՐԵՎԱՆ, 23 դեկտեմբերի — Sputnik. ԱՄՆ պաշտպանության նախկին նախարարի տեղակալ Պատրիկ Շանահանը 2019 թվականի հունվարի 1-ից կգլխավորի Պենտագոնը: Այս տեղեկացնում է Bloomberg-ը:
Քիչ ավելի ուշ ԱՄՆ նախագահը նույնաբովանդակ գրառում է կատարել թվիթերի իր միկրոբոլգում:
I am pleased to announce that our very talented Deputy Secretary of Defense, Patrick Shanahan, will assume the title of Acting Secretary of Defense starting January 1, 2019. Patrick has a long list of accomplishments while serving as Deputy, & previously Boeing. He will be great!
— Donald J. Trump (@realDonaldTrump) December 23, 2018
Ավելի վաղ՝ դեկտեմբերի 20-ին Դոնալդ Թրամփը Twitter-ի իր միկրոբլոգում գրառում էր կատարել Ջեյմս Մետիսի հրաժարականի մասին:
Մետիսը հայտարարել էր, որ ԱՄՆ նախագահը բավարար ուշադրություն չի դարձնում ԱՄՆ հակառակորդների զսպմանը և չի պաշտպանում Վաշինգտոնի շահերը:
«Դուք իրավասու եք գտնել պաշտպանության մեկ այլ նախարար, որի հայացքները ավելի լավ կհամընկնեն Ձերինի հետ այս կամ այն հարցերի շուրջ: Կարծում եմ, որ ես պետք է հեռանամ պաշտոնից: Իմ պաշտոնավարման ժամկետն ավարտվում է 2019 թ.-ի փետրվարի 28-ին. այդպիսով Դուք բավական ժամանակ կունենաք նոր թեկնածու առաջադրելու և հաստատելու համար»,- Թրամփին ուղղված բաց նամակում գրել էր Մետիսը:
