ԵՐԵՎԱՆ, 21 դեկտեմբերի — Sputnik. Տոլյատիում Հայաստանի բնակչի են վրաերթի ենթարկել։ Այս մասին հայտնում է «ՍիթիՏրաֆիկ» պարբերականը։
Դեպքը տեղի է ունեցել երեկ` մոտավորապես 23։30-ին, Ռյազանի և Վալի գյուղի միջև ընկած հատվածում։
ՄԱՆ-180 ավտոմեքենայի վարորդը վրաերթի է ենթարկել հետիոտնին, որը կանգնած է եղել ճամփեզրին։ Նա փորձել է ավտոմեքենա կանգնեցնել։ Հայաստանի քաղաքացին տեղում մահացել է։
Ճանապարհատրանսպորտային պատահարի հանգամանքները կպարզի Ստավրոպոլի շրջանի ՆԳՆ քննչական բաժինը։
