ԵՐԵՎԱՆ, 18 դեկտեմբերի — Sputnik. «Ռոսսելխոզնադզորի» Մոսկվայի, Մոսկվայի ու Տուլայի մարզերի վարչությունը դադարեցրել է Հայաստանից սառեցված իշխանի ու իշխանի ձկնկիթի խմբաքանակի ձևակերպումը։
«2018 թվականի դեկտեմբերի 12–ին «Ռոսսելխոզնադզորի» Մոսկվայի, Մոսկվայի ու Տուլայի մարզերի վարչությունը սահմանային կենդանաբուժական կետում «Դոմոդեդովո–Կարգո» ՓԲԸ–ն դադարեցրել է Հայաստանի Հանրապետությունից եկած ավելի քան 1 տոննա սառեցված իշխանի ու իշխանի ձկնկիթի խմբաքանակի ձևակերպումը», – նշված է հաղորդագրության մեջ։
Սահմանային անասնաբուժական հսկողության ընթացքում պարզվել է, որ ձկնկիթի անհատական փաթեթավորման մի մասի ամբողջականությունը խախտվել է։
Անվտանգության ցուցանիշները ստուգելու նպատակով լաբորատոր հետազոտությունների համար փորձանմուշներ վերցնելուց հետո բեռը ձևակերպվել է։
