ԵՐԵՎԱՆ, 18 դեկտեմբերի — Sputnik. ՄԱԿ-ի Գլխավոր Վեհաժողովում Հայաստանը դեմ է քվեարկել հակառուսական բանաձևին։
Վեհաժողովը քվեարկությամբ ընդունել է Ուկրաինայի ներկայացրած բանաձևը, որը վերաբերում է Ռուսաստանի կողմից Ղրիմը, Սևաստոպոլը, ինչպես նաև Սև և Ազովյան ծովերը մասնակիորեն ռազմականացնելուն:
ՌԻԱ Նովոստիի տեղեկացմամբ, բանաձևին կողմ է քվեարկել 66, դեմ՝ 19 երկիր։ Դեմ քվեարկածների թվում է նաև Հայաստանը: Հարևան Վրաստանը կողմ է քվեարկել բանաձևին, իսկ Ադրբեջանը ձեռնպահ է մնացել:
ՄԱԿ-ի ընդունած բանաձևում Ռուսաստանը բնորոշվում է որպես «շրջափակող գերտերություն»։ Ըստ բանաձևի`Ղրիմի տարածքում Ռուսաստանի իրականացրած գործողությունների հետևանքով վտանգվում է տարածաշրջանային կայունությունը:
Փաստաթղթում նաև նշվում է, որ Սև ծովի տարածքում ՌԴ-ի գործողությունները սպառնում են Ուկրաինայի անվտանգությանը:
