ԵՐԵՎԱՆ, 16 դեկտեմբերի –Sputnik. Բռնցքամարտիկ Արման Դարչինյանը բրոնզե մեդալ է նվաճել Խանտի-Մանսիսկ քաղաքում։
Նշենք, որ Դարչինյանը Հայաստանը ներկայացնում էր 75 կգ քաշային կարգում:
Մրցաշարին նրանից բացի Հայաստանի հավաքականի կազմում մասնակցում էին Արթուր Հովհաննիսյանը (52 կգ), Էրիկ Պետրոսյանը (56 կգ), Նարեկ Հովհաննիսյանը (60 կգ) և Արսեն Պողոսյանը (69 կգ)։ Թիմի մարզիչը Վահան Ադիլխանյանն է։
Խանտի-Մանսիսկ քաղաքում դեկտեմբերի 13-16-ը անցկացվում է նավթային երկրների բռնցքամարտի աշխարհի XVI առաջնությունը։ Առաջնությանը մասնակցում է 128 մարզիկ մի շարք երկրներից, մասնավորապես Ռուսաստանից, Հայաստանից, Բանգլադեշից, Բելառուսից, Բուլղարիայից, Ղազախստանից, Ղրղըզստանից, Լատվիայից, Լիտվայից, Լեհաստանից, Սիրիայից, Տաջիկստանից, Ուզբեկստանից, Ադրբեջանից, Ֆրանսիայից և Էկվադորից։
