ԵՐԵՎԱՆ, 15 դեկտեմբերի — Sputnik. Հայաստանի պետական կայքերը 2018թ-ի 11 ամսվա ընթացքում ենթարկվել են երեք միլիոն հաքերային գրոհի։ Այսօր լրագրողներին այս մասին ասաց Հայաստանի ԱԱԾ գիտաուսումնական կենտրոնի ղեկավար Արմեն Քինակցյանը։
«Միայն Ադրբեջանը չէ, գրոհներ եղել են շատ երկրների տարածքներից, այդ թվում՝ եվրոպական, բայց դրանք եղել են խմբեր, որոնք առաջադրանքներ են ստացել Ադրբեջանի հատուկ ծառայություններից», - ասաց Քինակցյանը։
Այսպիսով, նրա խոսքով, կարևոր է ոչ թե ֆիզիկական հասցեն, այլ դրանց աղբյուրը։ Նրա խոսքով՝ այդ գրոհները չեն հասել իրենց նպատակին, քանի որ կայքերը չեն կոտրվել, պարզապես աշխատանքն է դանդաղել։
