ԵՐԵՎԱՆ, 14 դեկտեմբերի – Sputnik. Այսօր՝ դեկտեմբերի 14-ին, ողբերգական դեպք է տեղի ունեցել Երևանում։ Ժամը 10։00-ի սահմանում «Արաբկիր» շտապօգնության կենտրոնից ոստիկանությանը հայտնել են, որ Մալխասյանց 2-րդ հասցում գործող «Էներգոկարկո» ՍՊԸ-ի մալուխային լաբորատորիայի պահեստում տղամարդու կախված դի կա։ Այս մասին տեղեկացնում է shamshyan.com–ը։
Ոստիկաններն ու քննիչները նշված վայրում հայտնաբերել են Արաբկիր վարչական շրջանի բնակիչ, երկվանից Ոստիկանության Արաբկիրի բաժնի կողմից որոնվող 71-ամյա Մ. Մ.-ի դին։
Նրա մոտ հայտնաբերվել է նաև նամակ, որտեղ գրված է. «Իմ քայլով խնդրում եմ ոչ ոքի չմեղադրել։ Առողջական լուրջ խնդիրների պատճառով դիմում եմ ծայրահեղ այս քայլին»։
Փաստի առթիվ Արաբկիրի քննչական բաժնում նյութեր են նախապատրաստվում։
