ԵՐԵՎԱՆ, 13 դեկտեմբերի – Sputnik. Ըստ նախնական տվյալների՝ Անկարայում գնացքի վթարի հետևանքով տուժածների շարքում ՀՀ քաղաքացիներ կամ հայեր չկան։ Այս մասին նշված է ՀՀ արտգործնախարարության թվիթերյան էջում։
Ըստ նախնական տվյալների՝ #Անկարա|յում գնացքի վթարի հետևանքով տուժածների շարքում #ՀՀ քաղաքացիներ կամ #հայեր չկան։ pic.twitter.com/4nn4zumSKp
— MFA of Armenia🇦🇲 (@MFAofArmenia) 13 декабря 2018 г.
Դեպքը տեղի է ունեցել այսօր առավոտյան։ Անկարայից Կոնիա ընթացող ճեպընթացը բախվել է լոկոմոտիվին, ինչի հետևանքով վագոններից երկուսը դուրս են եկել ռելսերից։ Փլվել է նաև վերգետնյա անցումը։
Նախնական տվյալների համաձայն` մահացել են 9, տուժել` 84 մարդ։ Ավելի քան 30 վիրավորներ հոսպիտալացվել են տարբեր հիվանդանոցներ։
Թուրքիայի նախագահ Ռեջեփ Թայիփ Էրդողանը հայտարարել է, որ իրավապահներն արդեն 3 մարդու են ձերբակալել։
